Itakaj kaj amari organizacja si kerdini sigo thaj vadži naj amen projekta save korkore kerdam, kerdam te ande amaro trujalipe vakaras andar o statuso thaj e diskriminacija pe maj but riga savi kerel pe opromos e Romnja andar o gav.

E džuvlja andar o gav but keren buti. Amaro dive si sigo katar pandž sata ande detharin, a peras ande 10 sata ando rat.

E Romnja andar o gav vadži naj hakaj te del piro krlo, džan avrste te kerel buti ande bar godolese kaj naj las laki phuv. Naj sikadi, ni džal ande škole, naj las informacije so kerel pe ando amalipe. Džanel numa pala e phuv thaj khereski buti. Godolese o trajo e Romnjako ando gav si ckno.

Kamas te goda arlisaras thaj te keras te amare problema aven dikhle. Gndisaras kaj phučipa save rodas rodas ande lokalno komuna thaj ande phuvjake institucije. Godola phučipa si vi pala godola save trajin ande gav, vi pala godola save trajina ande foro.

Loćaripe pala amari buti arakhas ande phenjale organizacije andar o Romano džuvljikano netvorko, and savo sam thaj sam ande aktivnosti sasve keren sajkeh sar partnersko organizacija.Dži akana kerdam but radionice pala e Romnja ande 20 gava ande Pirotsko trujalipe, pe teme andar džuvljikane manušikane hakaja thaj ekonomikano zuralipe.

Amen sam vi ande akcije thaj kampanja Čhon tari romano džuvljikano aktivizmo ande promocija katar aktivizmo ande thana kaj vadži naj bivladake organizacije.

Ekonomikane zuralimasa keras te avel maljačhi egzistencija. Nesve amendar pire butasa kerde te avel len lengi korkorni buti- keren luludja thaj povrće ande plastenika.

Amari vizija si te sa e džuvlja ande amaro kidipe aven thagarne thaj te avel len lengo kotor katar e phuv.  Godolese sam kerdine, keras buti jekhtane thaj gaja rodas šaipe thaj kamas te amaro trajo avel majlačho.

Kontakto

Romkinje andar o gav

064 19 18 810

E-mail: