Amari organizacija si kerdini ando 1998. Berš ande Beograd. Kamlam te e romane džuvljine hakaja dikhen pe, te vakaras andr e prejudicije, diskriminacija thaj o maripe. Das loćharipe e Romnjange thaj sam lenca kana džan ande institucije thaj aver kidipa.
Goda so amen keras si sikavipe, buti, ačhavipe e maripaso opromos e džuvlja, statusni phučhipa, sastipe, regionalno buti katar romane džuvljikane organizacije thaj lobi pala majlačo statuso e Romnjango.
Dži akana kerdam 63 projekta, keras buti ande majbut katar 55 romane mahale ando Beograd thaj o trujalipe. Pe amare programa saswa 6000 Romnja. E aktivnosti save keras si psihosocijalni radionice po tereno e Romnjanca kaj keras promocija katar džuvljikane manušikane hakaja majbut pala o sikavipe thaj sastimasko arakhipe.
Si amen judistikano ločharipa pala e judistikane loćharipa thaj loćharipa e Romnjange. Keras buti vi pala ekonomikano zuralipe.
Keras seminara thaj instruktaže ande save vakaras andar džuvljikane manušikane hakaja, minoritorenge hakaja, politikani participacija e Romnjangi ando amaro amalipe, phučipa andar organizaciono struktura džuvljikane BVO. Das štampime informacije pe romani thaj srbikani čhib andar goda gadići si importantntno o džuvljikano sastipe, andr o statuso katar nacionalno minoriteto, andar Framuni konvecija pala arakipe pala nacionalni minoriteta, Povelja andar hakaja e pacijentose.
Inkalas čhonesko lil pala e džuvlja Romnjaki zor-Snaga žene. Loćharas te keren pe thaj te zurararen pe terne džuvljikane organizacije. Keras lobi thaj kamas te avel majlačho statuso amalipaso e Romnjango ande Srbija, pe nacionalno thaj maškarthemutno nivelo.
Ramosaras alternativni raporta pe ratifikujime maškarthemutne konvecije save ramosarda amari phuv.
RDŽC Bibija si jekh katar e organizacije save kerde Romano džuvljikano netvorko.
Jekhtane amare phejanca andar aver organizacije thaj inicijative andar Romano džuvljikao netvorko kerdam shadow raporta andar implementacije katar Framuni konvencija pala arakhipe katar nacionalni minoriteta ande Srbija thaj alternativni raporta pala UN CEDAW andar statuso e Romnjango ande Srbija. Aktivno keras promocija katar romane džuvljikane organizacije ande amare aktivnosti ande kampanja Čhon tari romano džuvljikano aktivizmo. Amare butasa cknjaras prejudicije, stereotipa thaj e sa e diskriminacija opromos e Romnja.
Kontakto:
E-mail: 