Romano Centro pala e džuvlja thaj čhavore- DAJE, Beograd

Amaro Centro si kerdino ande 2001. berš, kana lije jekthane te keren buti e Romnja andar e mahala Zemun polje. E Romja trajisarde but bilčahe. But sas situcije katar o silujipe maripe katar o drom dži kaj o urbanizujime kotor ando Zemun polje thaj goda roda urgentno reakcija thaj buti. Kerdam sa te arakhas o trajo godole Romnjango, te na trajin sajekh dando dar, thaj te našti džan andar e mahala.

HPIM2506

Amaro angluno lačhipe sasa kaj lalčhardam o voš thaj buvljardam e linija katar o forosko prevoz dži kaj romani mahala pala 4 kilometra.

E teme andar save vakaras si sikavipe, buti, sastipe, tromalo lijipe e partnereso thaj plano katar e familija. Loćharas e Romnjange saven naj adresa te len fundone personalni dokumenta. Gaja šaj majloke te le hakaj pe socijalno, judistikano thaj sastimasko arakhipe. Vadži, loćaras vi romane familijenge saven naj fundone personalni dokumenta- kana ramosaren pe ande škola ando Beograd.

Keras buti vi pala o nevlajripe katar e sistemski keripa e problemose save si amen, sar kaj si buti te keren pe e akcijake planura pala e Romnja thaj našalde manuša.

ERRC_9

Pe šov beogradeski fakulteta kerdam vakaripe Nakhlipe, hakaja thaj adeta e Romenge. Ramosardam vi pustik savi akharda pe gaja.

Kerdam buti vi e džuvljanca thaj e familijenca save sasa andar e phajale thana ando nakhlo berš.

Importantno kotor katar amari buti si vi arakhipe e džuvljango katar o maripe.

Keras akivnosti te nevlajren pe amalipaske mahanizma opromos familijako, seksulano thaj aver maripa opromos e Romnja thaje čahvore, keras vi direktno e Romnjanca save si marde. Ande 2009. Berš kerdam SOS telefono pe romani thaj srbikani čhiv, angluni gasavi linija ando Beograd.

Amari organizacija si ande Romano džuvljikano netvorko.

Iz_kruga_6

Ande kampanja Čhon tari romano džuvljikano aktivizmo keras radionice pala e Romnja thaj rotale astala e manušenca save anen e doluke. Ande kampanja 2010. Berš, pe Themutno dive e Romnjango thaj e Romengo, kerdam promocija o SOS telefono thaj loćharipe e Romnjange save si marde.

vera i nada nose parole

E Romnja savenca keras buti phenen kaj but loćharas lenge. Pala amende gasave irisarde informacije si but lačhe godolese kaj vakaren amenge kaj sam po lačho drom.

SOS telefoni pala e Romnja save si marde putardo si ande ponedeljniko, tatrađi thaj paraštuj katar 14 dži kaj 18 sata, a kana akharen o mobilini šaj te arakhen amen 24 sata.

Kontakto

011 398-78-98

063 340-365

E-mail:   romadae@yahoo.com

 

 

Leave a Reply

Your email address will not be published. Required fields are marked *