Amen sam akativistikinje andar o Leskovco thaj dži akana sama kerdine biformalno organizujime sar inicijativa e Romnjangi.

Ande kampanja Čhon tari romano džuvljikano aktivizmo ante akava berš ka keras registracija amare organizacijaki savi ka akharel pe Leskovački Romnja.

Amaro majbaro lačhipe si kaj zuraras e Romnjan te lačharen pire problema save si amen, ando sikavipe, arakhipe katar o sastipe thaj politikani participacija.

Kerdam baro gendo katar e radionice thaj javn akcije ande romane mahaleande Leskovco.

Kamas te e čhorange vakaras gadiži si importantno o sikavipe, a o rezultato godoleso si kaj von si sa majzurale te ramosaren maškarne škole.

But drom organizujisardam preventivni dikhipa e Romnjange. Sar majlačho efekto katar amari buti šaj te phenas kaj dži akana štar Romnja sasa po dikhipe thaj sigo si lengo arakhado o kanceri thaj von si po vakti sanirime. Avdive godola Romnja si sase. E Romnja savenca keras buti majbut gndisaren andar piro sastipe.

Keras jekhtani buti vi romane khanđirenca ando Leskovco kaj keras radionice anadar o sastipe.

Lačhe sasa vi e radionice kana arlisardam pala o Nacionalno consili pala romano nacionalno minoriteto, kana e Romnja lije informacija andar o arlisaripe, thaj gadići lengo krlo si importantno thaj vakardam lengi v andar Nacionalno consili.

E organizacijenca Džuvljikano than andar o Niš thaj Ternipe andar o Pirot keras pe sistemsko keripe pala e problema save si e Romnjan ando Leskovco.

Kotor sa katar o feministikano pokreto ande Srbija thaj sam ande aktivnosti save keren amare pheja andar o Romano džuvljikano netvorko, ande savo sam katar o anglunipe.

 

Ande sa e berša sar kerel pe e kampanja Čhon tari romano džuvljikano aktivizmo keras te cknjaren pe e prejudicije thaj e stereotipa save keren pe oproos e Romnja.

 

Paćavas kaj amaro amalipe ka avel pindžardo vi ande lokalno komuna, sar bi seriozno keras buti andar o majlačho statusto thaj manušikane hakaja e Romnjange.

Kontakto:

Leskovački Romnja

061 24 44 934

E-mail: