Warning: count(): Parameter must be an array or an object that implements Countable in /homepages/19/d212118116/htdocs/clickandbuilds/mrza/wp-includes/post-template.php on line 284

LAČHE AVILAN!

Lačhe avilen thaj avilan po than kaj sajekh šaj te dikhen ROMANO DŽUVLJIKANO AKTIVIZMO, ando vakti katar 8. Mart dži kaj 8. Aprili, katar Maškarthemutno dive e džuvljango dži kaj Themutno dive e Romengo thaj e Romnjango.

Amen sam aktivistkinje andar 25 organizacije thaj inicijative, save sam ande Romano džuvljikano netvorko.

Vi akava berš, šovto drom, keras kampanja Čhon tari romano džuvljikano aktivizmo savo kerel pe sajekh ando jekh vakti, katar 8. mart dži kaj 8. aril. Ando godova vakti majintenzivno vakaras andar e problema save si e Romnjan ande lengo trajo ande Srbija. Kamas te o amalipe dikhel pe amende thaj te arlsaras o gndo andar amende, ande savo si but prejudicije thaj stereotipa.

Pala akala 6 berš kerdam te goda avel majlačhe thaj te arlisaras- katar nijekh pozitivno vakaripe andar e Romnja thaj amaro aktivizmo ande medija po anglunipe, dži kaj 3 pe jekh dive ande paluni kamapanja!

Numa, šaj phenas kaj si amen vi bilačhipa. E finansije si majckne vol naj len thaj goda del vi pe amari buti thaj po funkcionišipe katar amare kidipa. Gasavi situacia si neso so mangas te arliisaras! Kamas te ačhavas thaj te keras o Čhon tari romano džuvljikano akativizmo, thaj e kampanja thodam pe akava than, pe amalipaske mreže thaj interaktivno sadržaji e thanutnenca andar amari phuv.

E Kampanja ka keras angal Maškarthemutno dive e džuvljango- 7. mart, amen ka kidas amen thaj ka keras svato andar goda so ka keras. Ka keras e transparenta ande save ka aven vakaripa, save ka dikhel o amalipe ande 8. Mart po džuvljikano Maršo. Gothe amari Romani džuvljikani mreža ka avel sar kotor katar o feminističko pokreti thaj ka avel e džuvljanca save si aktivistkinje andar sa e Srbija. Akharas tumen te vi tumen aven amenca!

https://www.facebook.com/events/1599932343577186

Šaj te pehans tumenge, dikhas amen sajekh dži kaj si e Kampanja pe akava than! Si tumen šaipe te pindžaren amen. 🙂

Ka dikhen kaj amen naj sam numa paćivale manušnja andar o romano them amen sam – vi butarne, vi aktivistkinje, džangle manušnja, kherutne thanutne andar akaja phuv! Thaj vadži maj but goda!

Ka vakaras tumenge andar e buti savi keren amare aktivistiknje, orgnaizacije, inicijative thaj vadži majbut vakaripa.

Šaj dikhen amen po Twitter thaj Facebook, ka keras vi «vakaripa» pe but teme…

Akharas tumen te aven amenca ando Beograd, Niš, Novi Sad, Kruševac, Pirot, Aleksinc, Vranje, Babušnica, Vlasotince, Bela Palanka, Bujanovac, Novi Bečej, Dimitrovgrad, Lazarevac, Leskovac, Ljubovija, Prokuplje, Sombor, Pančevo, Lebane, Zrenjanin, Smederevsko Palanka, Sremsko Mitrovica, Žablj, Ilandži, Kragujevc, Kuršumlija…

Dži thara! 🙂

 

 

Leave a Reply

Your email address will not be published. Required fields are marked *