Amen sam terne Romnja studenta thaj džas ande maškarni škola thaj kidam amen ande biformalno kidipe- Inicijativa e Romnjangi Pirot.

Amari inicijativa si kerdini ando 2006. berš, thaj lijam te keras aktivnosti jekhtane e Džuvljakane thanesa andar o Niš thaj katar godova vakti sam aktivne ande lokalno kidipe.

Kamas te ande amaro foro e Romnja aven majdikhle. Importantno si te dikhel pe o amalipasko statusi savo si amen thaj amare problema, numa vi de dikhel pe e egzampla katar e Romnja save kerde khanči ande piro trajo.

Vakaras svato andar e diskriminacija thaj bibuti, andar e problema ando sikavipe, bešipe thaj o sastipe thaj gaja majdur.

Kerdam but radionice, tribune, rotale astala thaj konferencije. Sama ande TV thaj radio emisije, vakardam svato e manušenca andar o lokalno komuna, Centro pala socijalno buti, sastimaske službence, Nacionalno službasa pala e buti.

Amari inicijativa si ande Romano džuvljikano netvorko thaj but drom sama pe maškarthemutne keripa sar Romnja andar o Netvorko.

Nesave akcije save kerdam sasa:

”Vi amen sam Romnja”- amari angluni akcija ando Čhon tari romano džuvljikano aktivizmo thaj kidam amen ande romano kidipe thaj vi manušenca thaj manušnjaca andar e Komuna Pirot thaj vakardam amare iskustva e Romnjange save si studenta thaj sar save problema si amen ando amaro sikavipe.

Ande kampanja sam sajekh thaj vi po Maršo ando 8. Mart savo keren e feministički kidipa.

Sama pe maškathemutne konferencije, seminara thaj milajeske škole.

Amari inicijativa si jekh katar o Shadow report andar o status e Romnjango ande Srbija pe Konvencija andar e Jekhtane thema andar o ačhavipe pala e diskriminacija e džuvljangi.