Amen sam kidipe e džuvljango, aktivne sam ande komuna savi sip e data jekh katar majčor ande Srbija. Kidam amen godolese kaj sasa amen ideja te anas dži kaj majlačho statuso e Romnjango. Importantno si amenge te vakaras andar goda gadći si importatntno te lačharas e problema save si amen.

Amari majimportantno buti si te das informacije ande romano kidipe pala e afirmativni mere ande sikavipe. Loćharas te amare terne Romnja thaj Roma majlače len piro hakaj po sikavipe kana ramosaren pe ande maškarne škole thaj pe fakulteta. Sikavas len gadići si importatno o sikavipe.

Aktivni sam vi po zuralipe e Romnjango te aven ekonomikane majzurale. Jekhtane keras e vasteske buta. Amari ideja si te putaras o šaipe te thon pire keripa po tražište thaj kgaja te das šaipe e Romnjange te aven len love pala piro trajo thaj te aven dži kaj autonomija.

Keras jekhtane buti e lokalne komunasa ande Babušnica. Vakardam andar goda te keren pe Lokalno akacijako plano pala majlačho statuso e Romnjango, a amari komuna kamel te kerel akava plano. O rezultati amare komunake, organizacijengo Džuvljikano than andar o Niš thaj Ternipe andar o Pirot, amre inicijativasa si ramosardo o Memorandumo andar jekhtani buti savesa si amen mangipe te keras po lijipe thaj implementacija akale planoso.

Bahtale sam kaj sam zurale, thaj kamas te amari inicijativa avel kerdini sar organizacija.

Vadži sam kotor katar o netvorko Jekhtane šaj ande savo si romane aktivistkinje andar jugo Srbijako, thaj bahtale sam kaj sam kotor ande romano džuvljikano pokreto. Sam ande kampanja Čhon tari romano džuvljikano aktivizmo thaj gaja kamas te cknjaras e stereotipa thaj e prejudicije.

Kontakto:

INICIJATIVA E ROMNJANGI BABUŠNICA

Telefon: 0655618751

E-mail: