E Ljubovija si komkuna po zapado Srbijako, pe granica e Bosnasa ande savi trajol 50 romane familije. Ane komuna naj registrujime ni jekh romano kikdipe, a biformalno si kidipe e džuvljango ande Inicijativa e Romnjangi thaj amaro kamipe si te arlisras amaro trajo.
Jekhtane e lokalni institucijenca thaj organizacijenca, kerdam realizacija katar but akcije ande Ljubovija thaj aver komune.
Jekh katar anglune radionice save kerdam sasa pe tema katar romano thaj džuvljikiano aktivizmo, andar e lačhe egzampla thaj načina pe save e džuvlja šaj te aktivno aven ande keripe e problemoso. Dži gothar amari buti si thodini po motivišipe thaj zuralipe e džuvljango te aven godola save anen odluke andar piro trajo.
Importatno tema andar savi vakarasw pea mare radionice si o sikavipe. Majbut svato vakaras e dajanage savenge čhora džan ande škola thaj zuraras len te loćharen pire čhorange te džan ande škola majdur, te ramosaren pe ande maškarne škole thaj pe fakulteta. E čhorange save džan ande maškarne škoole thaj pe fakulteta pire trajose paramičasa majlačhe vakaren gadići o sikavipe si importantno.
Kerdam vi radionice andar politikani participacija thaj o inkljistipe ande arlisarde procesa. Pindžardam e Romnjan sar šaj ramosaren pe ande Arlisardo spisko, andar e istorija thaj buti katar o Nacionalno konsli. Dijam informacije andar šaipa sar šaj len pe individualni thaj kolektivn hakaja loćharimasa katar akava organo.
Amari inicijativa si ando Romano džuvljikano netvorko.
Sajekh dikhas medijski raporta andar e Roma thaj e Romnja, jekhtane averenca ande Netvorko. Javno vakaras andar medijski raporta ande save vakarel pe andar e stereotipa, prejudicije thaj kaj si o svato katar o bikamipe e Romengo, a majbut anar e Romnja. Jekh katar e lačhipa andar savo sam but bahtale si kaj si ačhadi e reklama savi si vakardini pe ljubovijsko radio stanica. Akaja reklama dija po paćavipe e Romengo thaj e Romnjango. Kerdam goda javno thaj e svatosa e manušenca save si redactora akaja reklama si čhudini andar o program.
Sajekh sam ande Kampanja Čhon tari romano džuvljikano aktivizmo. Vakarasa bi andar e projekcija e filmosi Averčhade andar 2012. Berš pe savi sasa majbut katar tranda džuvlja andar averčhande ustanove thaj institucije thaj e Romnja andar e mahala. Akaja akcija sasa but importantno ande motivo e čhorango te džan majdur ande škola.
Kontakt:
Inicijativa Romkinja Ljubovija
Telefon: 0643138565
E-mail: 