Amari organizacija si džuvljikani romani organizacija savi si kerdini ande 2005. berš. E misija katar amari orgnaizaicja si majurali pozicija e Romnjangi ando amalipe.
Keras maripe opromo trafikingo e manušengo gaja kaj sam ande projekta Zuralipe katar o netvoroko pala maripe opromos trafikingo manušengo ando Zapadno Balkano thaj maripe opromos trafikingo ande manušengo ande romane mahale thaj škole ando Niš.
Ande akaja tema amen sam ande romane mahale Stočni trg, Beograd- mahala thaj Crvena Zvezda ando Niš, sar vi pe fundone thaj maškarne škole ando foro. Keras buti gaja kaj keras senzibilizacija e manušengi andar e ustanove thaj institucije ande Foro Niš pala o trafikingo manušengo.
Katar 2010 berš amari orgnizacija kerel buti jekhane Europake centrosa pala hakaja e Romenge andar e Budimpešta a sar kontakt orgnaizacija pala dikhipe sar save se si e manušikane hakaja e Romenge ande Srbija. Ande amari buti amen kidas vi situacije po tereno thaj monitoringo pala e medija kana ramosararen andar e Roma. Si amen sajekh kontakto avere orgnaizaicjenca pala manjušikane hakaja thaj manušena andar o tahagaripe, sar vi e judistenca pala situacije anglal o kriso.
Sama vi ando monitoringo pala bilačho čhudipe e Romengo thaj Romnjango ando Beograd- Gazela thaj Belvil. Sam vi ando ramosaripe pala o Shadov raporto pala maškarthemutne konvencije.
Šaj pjenas kaj 1000 Roma thaj Romnja lija amare judistikane usluge.
Sam ande Liga e Romengi- SKRUG ando Odbor pala o bešipe.
Aktivno keras buti romane thaj biromane bivladake organizacijenca andar e Republika Srbija.
Kontakto:
Centro pala hakaja e Romnjange, Niš
Telefon: 018 22 10 13
E-mail: 