O kidipe kerdam ande 2002.berš sar than ando Novi Sad ande save ka kiden pe e Romnja, numa vi Egićanke thaj Aškalijske, thaj than kaj ka kerel pe e promocija katar amalipaski integracija.

O reslipe sasa amenge te majbut Romnja len informacije save kaloćharen lenge te len thaj te maren pe pala manušikane hakaja. Godolese keras averčhande edukacije pala o sastimasko arakhipe, džuvljikane manušikane hakaja, gadići si importantno e politikani participacija thaj o sikavipe.

O sikavipe naj majanglal ande fundoni škola, e čhavore trbun so maj sigo te aven ande sikado sistemo. Ckno gendo katar romane čhavore džal ande anglune škole thaj goda thol len ande averčhando statuso naj jekhtane e čhavorence save si ando sistemo katar o sikavipe. Sar kamas te arlisaras goda, loćharas e e čhavore ramosaren pe ande anglune škole.

Keradm but rotale astale thaj konferencije pala o nevljaripe katar o status e Romnjango.

Gndisaras kaj trubul e problema save si e Romnjan te lačharen pe ando sistemo. Keras jekhtani buti godolenca save anen e odluke ando Novi Sad thaj vakaras andar goda te anel pe Lokalno akcijako plano pala majlačho statuso e Romjango.

But sam bahtale kaj sam kotor katar Romno džuvljikano netvorko thaj kaj jekhtane e organizacijenca thaj inicijativasa vakaras andar aktivno dijipe e Ronjango ando amalipaso trajo. Amari organizacija sajekh vakarda andar o netvorko pe nacionalni thaj maškarthemtne kidipa.

But sam bahtale kaj sam ande Kampana Čhon tari romano džuvljikano aktivizmo. Gaja e thanutne andar o Novi Sad šaj te ašunen andar goda gadići si importantno amari buti thaj andar o trajo e Romnjango avečhande. Gaja arlisaras o gndo e manušengo thaj naj amen granice.